La onda la va, la onda la vien
E nel pasar
La me impronta la ga cancelà

Ritorno al me paese
Cerco le me raise
Alberi trapiantai
Fruta straniera

Nel cimitero, là sul muro
Xe la foto de me papa
Pescador el xera
El mar lo ga soterà

Dondelando ne la cuna de la onda
La pace el ga trovà
Nel mar ch’el gavea amà

El me tronco ormai
Ga meso raise
En un novo campo
La so fruta in fior
Ga bisogno de me amor

Lontan mi son
Da quel paese incantado
Ma la onda me ciama
La voce nel vento
Atraversa un continente
E anca el tempo

Xe el canto de le sirene
Che me tormenta el cor
Un cor distante
Che me ciama al me suol

La onda va, la onda vien
E nel pasar
La me impronta la ga cancelà